عيد ميلادي

قرب عيد ميلادي
ومش فرحانة..عادي
طيب هفرح لية !!
دة العمر جري مني
ومش فاكرة عملت اية
اتكلم يوم علية...
وقرب عيد ميلادي
ومش فرحانة ،عادي...
عملت اية يذكر !
عايشة ..مش اكتر
وكل سنة بكبر..
وانا مش واخدة بالي
بايخ اووي حالي...
نفسي اعمل حاجة
نفسي احقق حلم ..!
او حتي انشر علم.
وممكن اكتب فيلم..
بيتكلم عن حياتي !
وسنين عمري اللي ضاعوا
لا..مش هكتب فية آهاتي
ولا الناس اللي باعوا
هتكلم عن نجاحي 
ومواهبي وانجازاتي ...
هتكلم عن حبايب 
مش هجيب سيرة اللي غايب
وهحكي فالنهاية ....
عن قصة .. عيد ميلادي
وهقول لكل الناس...
اني مش فرحانة ...عادي !