بلا عنوان :(

وبتغيب لية ؟؟ عشان ترجع !!

وتتطمن علي الاحساس ..

بيضحك ولا متوجع ؟!

خلاص انسي .. مـ انا بنسي

بلاش تنده ..

عشان انا حالفة مش هسمع..

مـ انا ياما مشيت السكة بندامة

وقدمت الخطاوي كتير ..

وتوهت كتير

وفــ الاخر وقفت مكاني .. مش هرجع

لسكة نبضها دمــع !!

امانة عليك يا شيخ حاسب

لا تتأسف .. ولا هعاتب

بلاش ترجع ...

بعاد بــ بعاد وهستبيع

هترجع لية .. عشان ندمان !

علي عصفورة كت بتزين الاغصان !!

وعش استني تغريدها .. وتنهيدها

خلاص بالله .. انا الوحدة بقتلي حياة

خلاص هنساة واسيبة لوحدة يتوجع

انا حاساك

انا حاساك..
ولية بتقول انا بعيدة وروحي معاك !
انا حاساك ..
هنا روحك ومش عارفة
حبيبي ازاي تكون روحك هنا وهناك ..
انا جمبك .. انا حواليك
انا الوردة ال مزروعة ف نور قلبك
وفاضل بس تقطفها ف يوم بأيديك
وقلبي حبيبي مستني يبوح لعنيك
بشوق طول السنين مدارية
حنين الروح...
يدوب فينا ندوب حوالية
واي جروح مدام مع بعض تفرق اية !
مدام حساك ..
قلبي قفلتو من قبلك ومن بعدك
عليك انت ..
ومفتاح قلبي سبتة معاك
حاولت فيوم يكون وياية ولو صورة
لحد مايجي وقت لقاك ..
دنا كل اللي بحلم بية
اشوف فعيونك بصيص فرحة
وبدعيلك.. فكل دقيقة بدعيلك
ولو بأيديا والله
لكنت اجيب ضيا نهاري
وانور بية ضلام ليلك
واكون نجماية مالية سماك
انا حاساك..

ربع جرام

انا ربع جرام..
من كل صنوف البني آدمين
وبواقــــي حطام
لألــوف ضايعين
انا خلطة عجيبة من الاحزان
من النسيـــان ...
من كل مشاعر فيهـا حنين ..
انا قصة حب ماكملتشي ...
انا واحد عايش يجي الف حياة
انا عمري في مرة ما قولت الاة
مش معني كلامي اني سعيــد ..

انا بس بخاف
مقدرش دموعي ف يوم تتشاف
انا اصلا عمري ف يوم مابكيت
ولا هبكي كمان ..
انا واحد عمرة ما عاش فأمان
دايمآ بتهــاجم مـ الاحزان
مــ الحرمــان ..
وف قلبي بواقي لنار بركان
مع ذلك قلبي دة بحر جليـد ..
بارد وتحسو ما بيدفيش
وان كان بيحافظ علي دقاتة
متعمد بس يسبني اعيش !!
بس مايديش من تاني امان
ويدوق من تاني فراق ودموع
ويحارب نفسو عشان احلام
انا عايش بس بربع جرام
..
انا ربع جرام ...!